相馬日式火鍋 (已結業)

今日一定要介紹呢間相馬日式放題火鍋店，地址位於西環我覺得唔算太難搵上到去覺得勁舒服因為位置非常寬敞有梳化位🛋，最緊要佢嘅環境非常整潔，餐廳職員👨‍💼👩‍💼有禮貌建議大家可以去試吓！而家疫情嚴重我覺得食嘢都係小心啲好，本身我腸胃都唔算太好所以好怕啲嘢食煮唔夠熟😨😨，一人一鍋就啱晒我😊😊。唔會生熟溝埋，可以減低肚痛嘅風險。我今日就帶咗豬骨湯底🐷🐷，我覺得超級入味啊！個湯仲要煮得好濃☺️☺️。叫咗美國特選牛肩胛，我哋兩個人差唔多食咗10碟😂，佢每一片都係簿切，淥一淥就食得！最緊要嘅係佢啲肉質非常好。🥰🥰呢度連海鮮都係仼食，私心推介大頭蝦🦐，大頭蝦好新鮮，食得出蝦肉夠彈牙，蝦頭仲要有蝦膏，不得了。❤️🔥