德利美食 (已結業)

西環區嘅食店非常之多，隨便行一行都可以睇到有十間八間嘅茶餐廳或者粉麵店。我當日去咗西環士美菲路嘅熟食中心，踏上扶手電梯進入2樓，一行到入去熟食中心入面，場內非常涼爽，因為冷氣開得夠大。德利美食～專做兩餸飯，有大概十幾款小菜供應，西蘭花炒蝦球、咕嚕肉、雲耳勝瓜炒鮮魷、蓮藕炆豬手、西芹炒雞柳、咸蛋蒸肉餅、魚香茄子、炒菜、蒸南瓜、炆冬菇、紅燒豆腐等。所有小菜嘅賣相幾靚，而且夠熱，加錢可配罐裝汽水或其他罐裝飲品。