胖胖串

營業中

休息中

星期一夜晚11點係附近睇完戲，附近好多餐廳都關咗門。行過見到有間串燒店即刻同朋友去試吓，餐廳環境乾淨整齊。我最鍾意食燒士豆片同燒五花腩。燒得香脆又唔會太乾，另外都食咗燒蒜蓉扇貝同蒜蓉蟶子，食落好甜，好新鮮。唯一美中不足嘅係餐廳未有啤酒賣，問咗職員佢話要大約1月頭先有酒牌，不過職員都好好，話比我地知附近邊度有酒賣比我哋自己買去飲。原來餐廳營業到凌晨兩點，我哋都坐咗到1點幾先走。好適合同朋友食飯傾計。