走進Pizzeria Italia，仿如瞬間穿越到意大利🇮🇹～全店裝潢滿滿歐陸風情，浪漫又熱鬧，超多打卡位！ 👀📸 女生或情侶嚟約會都超啱！
今日品嚐正宗意大利美食啦！🍕
二人餐只係$468 推介！
✨ 小食拼盤
有炸新鮮魷魚、自家雞肉炸丸子、烤麵包配自製蕃茄沙沙醬、煙三文魚配酸豆檸檬橄欖油、韓鮮薊橄欖同意大利鹹魚配多士，外加時令蔬菜&特製醬汁，豐富又健康！
✨ Parma Ham火腿芝士配洋蔥pizza
經典意大利薄餅，上面滿滿鹹香Parma Ham，芝士恰到好處，香氣撲鼻，食到停唔到口！
✨ 雜錦海鮮意粉配白酒汁
三文魚、蜆肉、魷魚、蝦全部有！蝦肉新鮮彈牙，白酒海鮮香味＋香草味真係一流，海鮮控必試，意粉軟硬度適中，吸收所有嘅海鮮精華，伴醬汁一起食，味道更豐富海鮮味🦐
✨ 自家製肉丸
外脆內嫩，配上招牌醬汁，每一口都滋味！
✨ 甜品—提拉米蘇
超香滑忌廉+濃咖啡味，好有地道意大利風味！
🎉食完真係大滿足，氛圍夠chill又好開心！有興趣嘅朋友mark低地址，call埋朋友去開心食飯放鬆吓😁
