RuRu Tapas Restaurant (已結業)

之前經過大角咀呢間西班牙餐廳已經好想試，懷緬同老公前幾年去西班牙嘅情懷同美食。 呢間餐廳樓底好高，充滿空間感，一入到去就見到個開放式廚房，不時傳出食物嘅香味。牆身採用白磚，令人感覺去咗西班牙同埋好舒服😌。 牛油果蕃茄沙律好新鮮🥗，蕃茄份量好多🍅，鮮甜味美，加埋牛油果🥑，口感柔滑，兩者算是絕配。 Tapas 係西班牙飲食中重要嘅一環，我哋今次揀咗個紅酒辛辣肉腸配全麥麵包粒，辣肉腸用咗個迷你pan 去盛載，保存溫度，咬落去仲有燙口感，脆皮又多汁，麵包粒香脆🥖，點少少紅酒汁🍷，非常滋味。 慢煮豬鞍配雜菜，呢個真係要比10個like👍，非常好味😋😋。豬鞍表面煎香，咬落去有微焦嘅感覺，肉質非常嫩滑。薯蓉好香好滑，食落好似泡沫咁。加埋啲紅酒汁，更能夠提升豬鞍嘅味道😌😌。