影片
更多
2006-10-15
2 瀏覽
同細佬慶祝生日,係openrice睇到有0甘多笑面,就同屋企人試下Spanish dish, 事關佢地成世都會覺得中式菜永遠係最好,其他都唔入流, 其實佢地最鍾意食stubborn dish至真...入到去La Tasca, 我地都以為入錯地方。因為似bar 多過似restaurant, 好在一早已經book左位, 張張檯都係reserved, 我唸walk in 就未必即刻比位。因為從來都未食過Spanish dish, 都係係各版友度偷師。總共叫左4樣野, 分別係Seafood Paella, Lamp Tapas, Nachos, Rump steak。至於版友提到0既Sangria, housewine, etc就冇試到, 因為價錢都唔平噢。好快就上左麵包, 仲可以不斷refill, 咬落去外脆內軟。由於主菜未黎, 一連都食左2塊包。索一索, 冇咩包香, 兼且唔夠熱, 有d打折扣噢。包之後就上左tapas, 有好多汁伴住d羊肉。羊肉份量唔多，入口非常鬆軟，個汁幾開胃，老媽用d包塗左好多汁, 一路話好味一路食。跟住上左Nachos, 我唸佢都算係traditional, 除左d
入到去La Tasca, 我地都以為入錯地方。因為似bar 多過似restaurant, 好在一早已經book左位, 張張檯都係reserved, 我唸walk in 就未必即刻比位。
因為從來都未食過Spanish dish, 都係係各版友度偷師。總共叫左4樣野, 分別係Seafood Paella, Lamp Tapas, Nachos, Rump steak。至於版友提到0既Sangria, housewine, etc就冇試到, 因為價錢都唔平噢。
好快就上左麵包, 仲可以不斷refill, 咬落去外脆內軟。由於主菜未黎, 一連都食左2塊包。索一索, 冇咩包香, 兼且唔夠熱, 有d打折扣噢。包之後就上左tapas, 有好多汁伴住d羊肉。羊肉份量唔多，入口非常鬆軟，個汁幾開胃，老媽用d包塗左好多汁, 一路話好味一路食。跟住上左Nachos, 我唸佢都算係traditional, 除左d cheese同埋肉碎, 就係香草,都冇乜其他料。Waitress話Nachos係chips, 但食落口我覺得係薄餅乾。Nachos 入口好脆, 有d cheese 係度,令佢好野味,肉碎有油膩感,如果有少少辣會更好味。
黎完呢2樣野食之後, 開始出d 喊面樣。因為我地就好似d Tapas乾等, 等佢0既Paella, 等左45分鐘, 問左佢有冇漏單, 佢話冇, 係0甘講coming, coming。佢話Paella要製成半個鐘, 我地由傾計,唔經唔覺過緊d時間, 到開始發現0甘耐都未黎, 跟住連我地都dead air 齋等發mo, 真係好耐...。千呼萬喚始出來, Paella一出, 就見佢來回廚房3, 4 轉捧住d Paella出黎。0甘都順番條氣, 即有3,4 檯客同我地一樣, 都係等緊佢個Paella。我地叫0既係4人份量, 我地total 5個人, 都覺得佢大碟。海鮮鋪面, 有青口, 蝦, 魷魚, Salami。飯入面有青紅椒, 所以好香。口感唔似炒飯, 似焗飯, 好濕。我同屋企人係度研究, 係咪外國米係0甘削?? (可能係湯焗中國絲苗) Overall都幾好食, 份量絕對夠5個人食。
最後都係要等啦, 等多15分鐘, 上埋steak, 我同waitress講要medium, 佢上檯時都有粉紅; 不過口感似7成。放入口, 外面煎脆, 入面好夠肉汁, 幾好食。伴碟0既薯條幾正, 幼條唔係死乾, 熱同埋滑令佢容易入口。最緊要係2老都話好食, 如果唔係就真係貼錢買難受。食完個個都好飽, 主角細佬病病地唔食得多, enjoy beer only。同意之前版友所講, 環境較細, 音樂有d嘈。可能bar 關係, 煙味勁。Waitress人手少, 忙到踢晒腳; 不過,有禮貌抵讚,問佢有冇d冇0甘肥0既dish, 佢都不厭其煩0甘介紹。算罷啦, 豁左出去, 肥都整定。至抵死, 係我亞爸一直望住2個waitress, 好似買馬0甘賭人地係咪菲傭。埋單時問人地"are you Philippine??" 唉...0甘大個人仲........
飽飽, Total $584, 價錢ok~
張貼
