115
5
1
等級8
2020-08-19 3444 瀏覽
本來計劃好晒今年四月計劃去西班牙一趟,但因新冠疫情係,當然要被逼取消啦,機票還好可以退,但住宿就要扣起啲手續費,幸而叫做金錢損失唔太大,但花咗好多心機安排就叫做白白浪費。一直對西班牙之旅都好期待,最近知道Tapa Room推出咗個外賣直送嘅「Vacation Box」,之前,亦已試過佢哋嘅出品,有信心,出國唔成,就晌屋企搞番個西班牙美食之夜,等個肚仔去住旅行先。上返官網睇睇,個「Vacation Box」嘅基本起錶價喺$298(原價要$420),包咗一客二人份嘅西班牙海鮮鍋飯、兩道冷盤(西班牙火腿及蜜糖茄子卷、薄切慢煮八爪魚)及兩客西班牙水果茶啫喱。此外,亦有6款招牌冷盤、西班牙果酒、非酒精特飲可以額外加配,每日下午3:00pm截單,當晚6:00-8:00pm送貨,真喺日頭即興想夜晚食餐西班牙菜都無問題。但溫提一下,滿$500就免費送貨,否則,就要收番$80作為運費,服務範圍亦只有九龍及香港島啫。送貨前,送貨嗰邊都有whatsapp嚟做地址確認,而整個外送包裝,冷熱食物都會分開以保溫袋包裝好。打開保溫袋,估唔到再有個精美包裝硬盒裝起所有食物,絕對唔會嚟到時壓到啲食物變形或走樣,真喺連包
更多
本來計劃好晒今年四月計劃去西班牙一趟,但因新冠疫情係,當然要被逼取消啦
,機票還好可以退,但住宿就要扣起啲手續費,幸而叫做金錢損失唔太大,但花咗好多心機安排就叫做白白浪費。一直對西班牙之旅都好期待,最近知道Tapa Room推出咗個外賣直送嘅「Vacation Box」,之前,亦已試過佢哋嘅出品,有信心,出國唔成,就晌屋企搞番個西班牙美食之夜,等個肚仔去住旅行先
129 瀏覽
0 讚好
0 留言
上返官網睇睇,個「Vacation Box」嘅基本起錶價喺$298(原價要$420),包咗一客二人份嘅西班牙海鮮鍋飯、兩道冷盤(西班牙火腿及蜜糖茄子卷、薄切慢煮八爪魚)及兩客西班牙水果茶啫喱
。此外,亦有6款招牌冷盤、西班牙果酒、非酒精特飲可以額外加配,每日下午3:00pm截單,當晚6:00-8:00pm送貨,真喺日頭即興想夜晚食餐西班牙菜都無問題。但溫提一下,滿$500就免費送貨,否則,就要收番$80作為運費
,服務範圍亦只有九龍及香港島啫。
Vacation Box
13 瀏覽
0 讚好
0 留言
送貨前,送貨嗰邊都有whatsapp嚟做地址確認,而整個外送包裝,冷熱食物都會分開以保溫袋包裝好。打開保溫袋,估唔到再有個精美包裝硬盒裝起所有食物,絕對唔會嚟到時壓到啲食物變形或走樣,真喺連包裝都見到心思,好多細節位都做到一絲不苟。最驚喜喺個西班牙海鮮飯,直頭原鑊咁送嚟
Vacation Box
20 瀏覽
0 讚好
0 留言
Vacation Box
$568
22 瀏覽
0 讚好
0 留言
Red Sangria $48 / Grapefruit Sangria $48

講到西班牙菜,就一定會想起西班牙果酒(Sangria),唔飲得酒嘅都無問題,佢哋亦有啲非酒精特飲俾客人揀,每樽足500ml,只賣$48,非常抵飲,尤其西班牙果酒。事實上,一飲你就知無將貨就價,好足料,前者紅酒滲出陣陣果香,繼而散發出一股微微酒勁;後者嘅西柚特飲帶着自然嘅西柚清香,卻有添一份果香嘅層次感。
Red Sangria / Grapefruit Sangria
$48
27 瀏覽
0 讚好
0 留言
西班牙火腿及蜜糖茄子卷(套餐)

基本套餐包咗兩款西班牙冷盤,呢一款喺一道好有驚喜嘅菜式,以西班牙火腿加上薄片嘅茄子捲住啲沙律菜做成,佐以黑醋及蜜糖,就算乜都唔點,單喺件火腿茄子卷咬落已好有層次感,味道鹹香中誘發出清爽感,再試試沾上黑醋及蜜糖,味道更多變咗,是晚嘅推薦菜式之一。
西班牙火腿及蜜糖茄子卷
11 瀏覽
0 讚好
0 留言
薄切慢煮八爪魚(套餐)

呢一款冷盤之前晌店鋪都食過,真喺店家嘅幾招牌,而套餐都包埋就真好。個八爪魚嘅最大賣點,就喺捕獲後由當地即時慢煮5個鐘,之後再空運過嚟,再嚟薄切後,塊塊都厚薄均一,伴以自家製嘅蕃茄蓉初榨欖油,令味道油潤清新,而八爪魚嘅質感柔韌帶咬口感,再細嚼八爪魚嘅鮮味更突出。
薄切慢煮八爪魚
13 瀏覽
0 讚好
0 留言
加泰隆尼亞式烤雜菜沙律 $48 

記得店家有一道好好食嘅「蟹肉及辣忌廉芝士釀烤甜紅椒」,不過,散點項目就未有供應,不過,想試西班牙出名嘅甜椒,就可以考慮試吓呢道烤雜菜沙律,因為,主食材就喺用咗西班牙出名甜椒,烤焗好再伴以初榨欖油,灑點香草,甜椒烤到軟化晒,入口陣陣清甜味,簡單自然。如果家中有啲百吉包,不妨切成薄片,佐以甜椒同食,一樣好滋味。
加泰隆尼亞式烤雜菜沙律
$48
12 瀏覽
0 讚好
0 留言
棒棒鵝肝 $58 

睇番啲食評記錄,堂食一客要$78,仲只喺有3支,但依家就$58 ,卻有4支,性價比已經高咗好多。基本上,跟堂食嘅一樣,都做得精緻,鵝肝搵白酒蒸煮過再搓成丸,入口口感綿密豐厚,鵝肝嘅香腴濃郁;同樣伴以開心果仁、喜瑪拉亞岩鹽及黑胡椒粒所做成嘅佐料,令整體味道變得更具層次。
棒棒鵝肝
$58
7 瀏覽
0 讚好
0 留言
西班牙黑毛豬火腿24個月 $68 

講到西班牙小食,點少得經典嘅西班牙黑毛豬火腿吖,晌一啲西班牙餐廳,更備有24、36、48個月嘅種類,小弟甚至有見過去到60個月,當然風乾熟成嘅日子越長,定價又一定越貴,但我哋呢啲唔喺咩食家嘅大眾,24個月嘅貨色已經喺好夠皮。事實上,啲黑毛豬火腿油潤而富光澤,入口肉質細膩,味道鹹香,一片火腿,一啖西班牙果酒,喺極優雅嘅享受。
西班牙黑毛豬火腿24個月
$68
4 瀏覽
0 讚好
0 留言
西班牙海鮮鍋飯(套餐)

上文都提及過,「西班牙海鮮鍋飯」喺原鑊咁送嚟,非常揼本,而個鑊咁靚仔,我哋就已經打算留起煮嘢用,絕對唔會嘥。專登對照番上次晌店內所試嘅西班牙海鮮飯,直情同晌店內食到嘅無分別,所以,感覺絕對唔似食緊外賣,飯面鋪滿海鮮,有大海蝦、青口、大蜆、魷魚,用料絕對不賴,每款海鮮都鮮甜好食;紅紅嘅飯底充滿海鮮香味,飯粒分明卻入口濕潤,唧埋少少檸汁,加埋啲藍芝士醬,撈勻嚟食就更好味。
西班牙海鮮鍋飯
3 瀏覽
0 讚好
0 留言
西班牙海鮮鍋飯
8 瀏覽
0 讚好
0 留言
西班牙水果茶啫喱(套餐)

套餐仲包有兩客甜品,雖然西班牙油條喺經典,但送到嚟都腍晒啦,而呢款水果茶啫喱亦喺佢哹招牌,因為用料十足,無欺場,以西班牙果酒為藍本所做,啫喱味道好清香,配以大量夏日雜莓,打側睇個杯身就見到有幾多雜莓晌杯內,所以,整體而言,入口清甜酸爽,味道感覺自然,驅走晒夏日悶氣,更平衡番之前食咗咁多道嘅濃味菜式。
西班牙水果茶啫喱
5 瀏覽
0 讚好
0 留言
除咗由保溫袋、包裝盒、個別食物格、冷熱分開……等等做到一絲不苟之外,食物嘅賣相、用料跟堂食無太大分別,難得啲食物都保持到水準,尤其一系列冷盤、凍飲、甜品
,而個西班牙海鮮飯送到嚟都仲算暖暖哋,我哋就原鑊放入大焗爐烘番熱啲,故此,風味保持到。出國旅行唔知幾時先得,今次總算以美食嚟感受吓一股西班牙熱情
題外話/補充資料: https://www.tapa-room.com/products/tapa-room-delivery-box
(以上食評乃用戶個人意見 , 並不代表OpenRice之觀點。)
張貼
評分
味道
服務
衛生
抵食
用餐途徑
外賣送餐
人均消費
$190 (晚餐)
推介美食
Vacation Box
$ 568
Red Sangria / Grapefruit Sangria
$ 48
西班牙火腿及蜜糖茄子卷
薄切慢煮八爪魚
棒棒鵝肝
$ 58
西班牙黑毛豬火腿24個月
$ 68
西班牙海鮮鍋飯
西班牙水果茶啫喱