華昇餐廳 (已結業)

此餐廳在群記隔鄰，有次見佢下午茶幾抵，又唔收加一，於是便和男友來一試。跟男友分別要了吞拿魚三文治和西班牙奄列兩個下午茶餐。三文治來到，個賣相仲肉酸過我公司樓下買分，幸而佢中間有少少生菜絲，味道尚可接受，但西班牙奄列完全唔係回事，個廚師只是在弄青椒條、洋蔥條、火腿條炒蛋，蕃茄和腸都冇，真懷疑廚師知不知道甚麼是西班牙奄列，定還是要問他知不知道甚麼是奄列。 進食期間，見到餐廳落場o既侍應o係隔離大大聲講笑，又有個細恅o左o係張卡位梳化上，完全漠視顧客的感受。埋單離開時，男友說呢間餐廳多數做不長，我也有同感，除非他們改善廚師和侍應的服務態度。