清酒煮蜆
個湯好鮮，仲幾香蒜味，清酒同蜆永遠都係最佳配搭 ，每隻蜆都開晒口，好嫩好新鮮
燒三文魚鰭
食落鹹鹹香香，作為下酒菜配啤酒🍻一流
燒鮮白鱔串
肉質緊實，魚皮燒到微微焦脆，好香口
燒多春魚
好多魚籽，加上唔係間間串燒店都有得食
燒生蠔3隻
三隻飽滿生蠔，蔥蒜唔會太搶味，食到生蠔原汁原味，冇腥味，處理得幾好，亦冇蠔殼碎
肉類🍖
雞肉串
肉質緊實，醬香十足
厚切牛舌
個爐一直熱住啲串燒，一直保溫，個人超級推薦呢個牛舌，非常厚切，咬落爽脆，容易咬開
燒豬頸肉串
豬頸肉爽脆有咬口，炭火焦香，絕配沙嗲醬
燒明太子雞翼
表面搽上明太子醬，入面都有滿滿一口明太子
蔬菜🌱
韭菜
調味唔重，最主要都係孜然，蔬菜爽口
冬菇
靈魂醬汁甜甜地，好入味，冬菇質感軟腍
今燒三文魚飯團
飯團質感好脆，好似飯焦入邊有一粒酸蘿蔔，配上甜醬油都不錯
