JMT Coffee (已結業)

平時飲dirty都好鍾意睇住佢嘅漸層慢慢融合，感覺特別嘅治癒( ´▽｀) 上個禮拜黎到西營盤一間韓系cafe，店內原來仲有好大幅連儂牆!!!小店日頭以cafe形式經營，夜晚就會變成酒吧😯.☕️JMT Dirty Coffee呢杯招牌咖啡大家見到都應該好熟識😛首先呢杯咖啡唔飲到都睇得，超澎湃嘅奶泡多到滿瀉~ 第一啖飲落味道較為濃烈，可能係太多可可粉嘅緣故，不過當品嚐到鮮奶嘅時候就會中和翻濃縮咖啡嘅微苦😗面頭嘅奶泡感覺特別creamy，而整體嘅甜度亦剛好! 呢杯dirty尚算易入口，即使平時唔飲咖啡嘅朋友都絕對可以一試☺️.🍖Spam Box即叫即整嘅炸午餐肉，入口不油膩，仲有微脆嘅口感🤤🤤味道唔算太咸，食完都唔會不停飲水~不過以一盒午餐肉黎講索價都幾高😐