松屋 (仁信大廈)

營業中

休息中

見到好多人都推薦松屋嘅抹茶流心心太軟🍵不過我向來都唔係抹茶控，所以叫咗brownie🍫佢唔係普通嘅brownie，而係冰火布朗尼梳乎厘❄️🔥🤭即係朱古力布朗尼+雲尼拿雪糕+梳乎厘😈甜品一上枱，就見到好似雲咁嘅梳乎厘☁️梳乎厘上面有啲加熱咗嘅水果做裝飾，如果食唔慣熱嘅生果嘅人，我會建議你唔食啲水果🙈梳乎厘下面就有雪糕同brownie，冰凍雪糕係擺喺熱辣辣嘅brownie上面😆brownie係非常濕潤嗰種(濕潤得欠缺咗點札實感🙈)，配上唔會好甜嘅梳乎厘同雪糕食，係正嘅😋由於面頭層梳乎厘太澎湃，所以要特別撥開先會見到雪糕同brownie😂我都係食咗陣先發現到雪糕嘅位置😂🙈俾我撈吓又撥吓⋯⋯加上雪糕又會融⋯⋯最後碗甜品俾我搞到好核突😂好彩佢一上枱，仲係靚仔樣嘅時候我就影咗相姐😛整體食完都幾滿足😆.朋友叫咗抹茶啫喱雪糕芭菲，即係有抹茶雪糕+抹茶啫喱+十勝紅豆+白玉。特別一提係呢家店嘅抹茶甜品都用上丸久小山園抹茶。🍵.PS 見到呢到除左有甜品食，仲有日式晚餐定食供應㗎！有燒雞、豚肉、咖哩、牛肉、鯖魚等等選擇，套餐價錢都係五十幾蚊至七十蚊，有飯有麵豉湯有蒸蛋有飲品。