阿珠嬤 (已結業)

住咗中西區咁耐，一路都鍾意幫襯小店，今次就去咗位於皇后大道西嘅新開台灣小店，叫阿珠嬤。我哋兩個人都叫咗唔少野食呀，首先一人一碗麵，金牌紅燒牛肉陽春麵同金牌紅燒牛三寶刀削麵。首先，牛肉麵嘅湯底頗香濃，牛肉炆到好稔，三寶嘅另外兩寶牛腩同牛肚，份量多，又夠入味！之後，我哋再叫咗只外三個小食，甜不辣、滷牛肚、滷鴨舌，甜不辣嘅味道煮得好好，好似係台灣食咁；由於我自己好鍾意食牛肚，所以有私心咁叫咗一碟滷牛肚食，亦都唔少得佐酒小食鴨舌，全部都好入味，好正！我哋仲有一人一杯野飲，鳳梨綠茶同凍珍珠奶茶，好好飲！