更多
2022-02-04
3481 瀏覽
上年11月尾同屋企人終於試到合時小廚，我係10月頭打去book枱想食lunch，超好彩有位可以唔駛等咁耐🥺🥰我哋預先訂咗少爺焗豬扒飯 ($480 六人份)、菜膽炖豬肺湯 ($75/每位) 同茶香煙熏雞 ($300/半隻)，想食嘅朋友記住要預先order啦～坐低一陣好快就上菜，我哋首先飲咗菜膽炖豬肺湯，杏汁好香濃，豬肺超腍同洗得好乾淨，一啲腥味都冇，我本身唔係好食豬肺都食咗幾件👍🏻⭐️大推少爺焗豬扒飯，呢個一定係必嗌，六人份量超澎湃😍 厚切豬扒勁軟腍入味，每一粒飯都有蕃茄醬同拉絲芝士包住，你睇佢以為會好膩但其實一啲都唔會，每一啖都勁滿足！🍅🍚另外茶香煙熏雞都推介，雞肉好嫩滑，茶熏香濃得嚟又唔會蓋過雞味🍗識我嘅都知我唔鍾意食蝦，但呢度嘅百花炸釀蝦多士 ($464/8件) 令我對蝦多士有新嘅睇法！首先舊蝦多士好大舊，有成隻手掌咁大。金黃香脆，入面嘅蝦膠都好彈牙，原來蝦多士可以咁好食！🍤🍞第一次食千層咕嚕肉 ($138)，佢唔係普通豬肉咁簡單，而係用五花腩肉捲起再炸，表面香脆然後一咬開睇到豚肉層次分明，幾得意。香煎蓮藕餅 ($224/8件)又係好大件🤣好香口，咬到粒粒蓮藕，口感豐富。呢道每道菜都
我哋預先訂咗少爺焗豬扒飯 ($480 六人份)、菜膽炖豬肺湯 ($75/每位) 同茶香煙熏雞 ($300/半隻)，想食嘅朋友記住要預先order啦～
坐低一陣好快就上菜，我哋首先飲咗菜膽炖豬肺湯，杏汁好香濃，豬肺超腍同洗得好乾淨，一啲腥味都冇，我本身唔係好食豬肺都食咗幾件👍🏻
⭐️大推少爺焗豬扒飯，呢個一定係必嗌，六人份量超澎湃😍 厚切豬扒勁軟腍入味，每一粒飯都有蕃茄醬同拉絲芝士包住，你睇佢以為會好膩但其實一啲都唔會，每一啖都勁滿足！🍅🍚
另外茶香煙熏雞都推介，雞肉好嫩滑，茶熏香濃得嚟又唔會蓋過雞味🍗
識我嘅都知我唔鍾意食蝦，但呢度嘅百花炸釀蝦多士 ($464/8件) 令我對蝦多士有新嘅睇法！首先舊蝦多士好大舊，有成隻手掌咁大。金黃香脆，入面嘅蝦膠都好彈牙，原來蝦多士可以咁好食！🍤🍞
第一次食千層咕嚕肉 ($138)，佢唔係普通豬肉咁簡單，而係用五花腩肉捲起再炸，表面香脆然後一咬開睇到豚肉層次分明，幾得意。
香煎蓮藕餅 ($224/8件)又係好大件🤣好香口，咬到粒粒蓮藕，口感豐富。
呢道每道菜都好大份，好啱一大班人sharing，好味得嚟性價比高，食完包你係會好滿足飽到捧住個肚走。聽聞而家要book位已經等到年尾，唔知下次幾時有得再食🥲
少爺焗豬扒飯
$480
208 瀏覽
5 讚好
0 留言
菜膽炖豬肺湯 每位
$75
111 瀏覽
1 讚好
0 留言
茶香煙熏雞 半隻
$300
142 瀏覽
1 讚好
0 留言
張貼
