Add Some Thai Restaurant

營業中

休息中

駱駝漆大廈向來美食雲集，今次去搜羅一下泰國菜，fusion西式元素，點二人餐亦相當抵食。泰式鮮蝦青木瓜沙律蝦大大隻相當彈牙，沙律汁酸酸地頗開胃。鮮蜆海鮮冬陰功湯蜆肉頗鮮甜，湯底酸辣味濃郁幾惹味。小食拼盤極之邪惡，可以一次過試晒咁多樣野。包括紐西蘭牛柳粒串、菠蘿車厘茄串、越式絲網海鮮春卷、招牌手打蝦餅個人比較鐘意個蝦餅，炸得脆口，菠蘿串亦頗juicy，如果牛柳粒串軟腍啲就更正。招牌海鮮菠蘿炒飯賣相一流，海鮮亦相當足料，炒得頗有鑊氣。蒜蓉炒豆苗好耐冇食豆苗，色澤翠綠，加蒜香更惹味。加$48可以食埋芒果糯米飯，糯米飯椰香突出帶煙un口中感，芒果亦相當香甜。最後追加左Parma Ham 生菜包 呢個配搭好特別，parma ham既鹹香配生菜既清新同爽口感，非常match。