幸圓 (已結業)

成日搭巴士都會經過依間餐廳, 見到裝修日系風格又別緻, 於事上網睇過原來係食日式加西式菜, 剛好有朋友又住係附近, 所以早幾日放工約左佢一齊去依度食晚飯, 我地唔算太餓, 所以叫左個海鮮丼飯, 西式主食, 一份甜品同一杯飲品share一齊食幸圓海鮮丼睇賣相已經好吸睛, 刺身有三文魚、油甘魚、海膽、赤身、帶子、魷魚、赤蝦、鯖魚、八爪魚、香蔥吞拿魚腩蓉、蟹籽同三文魚籽, 總共有十二款食材, 每款刺身都好新鮮, 三文魚同油甘魚入口肥美, 赤蝦鮮甜爽滑, 驚喜係馬糞海膽, 入口甘甜不苦, 同三文魚籽拌勻醋飯一齊食超正, 醋飯調味適中, 唔會食落有過酸感覺香煎三文魚扒配青芥辣忌廉汁擺碟非常精緻, 三文魚扒外皮煎得酥脆, 三文魚肉依然保持肉汁, 食落剛好唔會乾身, 底層係薯蓉, 旁邊配菜有翠玉瓜、粟米、紅蘿蔔、秋葵等, 食完感覺健康又唔油膩肉桂蘋果牛角包窩夫牛角包窩夫上面放左肉桂蘋果蓉, 食落唔會甜, 帶微酸, 窩夫有酥脆口感, 配埋旁邊雲呢拿雪糕一齊食, 多重味道同超夾, 食完唔會覺得漏Mango Paradise 芒果沙冰溝左菠蘿汁同蜂蜜柑橘，飲落酸酸地幾醒胃