影片
更多
2017-10-15
257 瀏覽
適逢今日係我生日，約埋兩個表姐一齊慶祝先～🙆🏻表姐提議去一間女仔見到一定喜歡嘅餐廳！位置來講，其實唔講係未必會行過個邊，更遑論佢係樓上餐廳～不過！淨係見到行上去個條樓梯已經知道係唔簡單！💁🏻所以對餐廳入面都有一定嘅期望😌果然冇令我失望呀，成間餐廳有唔少花花做佈置之餘,樓底高，燈光亦調得十分有情調👍🏻表姐表示因為我係壽星女，所以盡情叫🤣咁我就唔客氣啦哈哈哈！未正式開餐之前，侍應先遞上餐包配醃蒜頭同南瓜蓉值得一提嘅係，佢嘅包係熱辣辣之餘仲係切粒上🍞先嚟嘅係伴菜「黑松露魚子薯蓉 $68」🥔入口有滿滿嘅黑松露味，質感係非常creamy，相信係用咗牛油同牛奶攪拌而成🐮我哋一人幾啖已經K.O.左佢！正呀！👍🏻跟住嚟嘅係「牛肝菌帶子黑松露意大利飯 $268」🍛淨係見到賣相都已經知道d汁又幾濃郁🤤一片片蘑菇令成個飯嘅口感唔會太過寡～我自己本身鍾意唔食d太硬嘅意大利飯，呢個就煮得正合我意啦！帶子亦食得出鮮味，各樣配合埋一齊好好食！👍🏻之後就係「BB豬肋骨配自家制BBQ汁 $298」🐷從圖片可見，豬肋骨旁有三個小兜仔～分別係：橙醬汁，芥辣，酸菜(不太肯定，因為我無食😆)我係以上三樣都無加埋落去個豬肋骨一齊
表姐提議去一間女仔見到一定喜歡嘅餐廳！
位置來講，其實唔講係未必會行過個邊，更遑論佢係樓上餐廳～
不過！淨係見到行上去個條樓梯已經知道係唔簡單！💁🏻
所以對餐廳入面都有一定嘅期望😌
果然冇令我失望呀，成間餐廳有唔少花花做佈置之餘,
樓底高，燈光亦調得十分有情調👍🏻
表姐表示因為我係壽星女，所以盡情叫🤣
咁我就唔客氣啦哈哈哈！
未正式開餐之前，侍應先遞上餐包配醃蒜頭同南瓜蓉
值得一提嘅係，佢嘅包係熱辣辣之餘仲係切粒上🍞
先嚟嘅係伴菜「黑松露魚子薯蓉 $68」🥔
入口有滿滿嘅黑松露味，質感係非常creamy，
相信係用咗牛油同牛奶攪拌而成🐮
我哋一人幾啖已經K.O.左佢！正呀！👍🏻
跟住嚟嘅係「牛肝菌帶子黑松露意大利飯 $268」🍛
淨係見到賣相都已經知道d汁又幾濃郁🤤
一片片蘑菇令成個飯嘅口感唔會太過寡～
我自己本身鍾意唔食d太硬嘅意大利飯，
呢個就煮得正合我意啦！
帶子亦食得出鮮味，各樣配合埋一齊好好食！👍🏻
之後就係「BB豬肋骨配自家制BBQ汁 $298」🐷
從圖片可見，豬肋骨旁有三個小兜仔～
分別係：橙醬汁，芥辣，酸菜(不太肯定，因為我無食😆)
我係以上三樣都無加埋落去個豬肋骨一齊食嘅情況下，
已經覺得挺不錯啦😋
骨唔算好大舊，切開五條，每條都有肉食～
BBQ汁配豬肋骨從來都唔會有錯👍🏻
再來嘅就係「雜錦海鮮pizza $238」🍕
海鮮嘅份量絕對唔少呀😳
幾乎每一塊pizza都有兩至三款嘅海鮮係上面！
再加埋千島醬同埋剛剛好軟硬度嘅餅底，好味呀！👍🏻
最後就係「卡邦尼蜆肉意粉 $218」🍝
上面隻溫泉蛋即刻拎成個意粉日式咗好多咁哈哈～
呢度嘅卡邦尼汁比外面食到嘅較稀，但味道不減～
撈埋隻溫泉蛋一齊食嘅話味道會更出🥚
蜆肉份量多亦十分鮮甜，絕無炒蜆殼成份～
總括而言，
四個人食，平均一人300幾蚊，
但食到呢個環境，呢個食物質素，
我哋都覺得好滿意，必定會再光顧！😚
張貼
