形 (MPM文華商場)

我又捐窿捐罅試下新野食，呢間串燒店之前喺將軍澳嘅時候都已經好想試，今日就同朋友去旺角食飯。咁就梗係即刻試吓好唔好食。餐牌上入邊有好多唔同種類嘅串燒，同出邊串燒店嘅風格就有少少唔同，呢間比較西式小小，包括餐廳外型都似。

我哋叫咗麻辣雞全翼，味道都唔錯，上面佈滿左麻辣粉仲有少少孜然粉味道，我同朋友都好鍾意❤️
另外，仲叫咗一個炸芝士，外脆內軟但係佢唔係拉斯芝士，係一個流心芝士黎。

之後我哋仲叫咗蒜蓉蒸蠔🤩有驚喜，熟咗嘅蠔原來都幾好食，之前通常都係生食😆。

另外，金菇肥牛卷同樣都有麻辣味，我哋叫咗小辣都唔會好辣。
仲有，牛肉串燒同埋魷魚串燒都同麻辣粉好夾，整體水準都唔錯。而且價錢適中，仲可以好chill 飲返杯Cocktail、其他酒！下次會再幫襯。