火鍋薈 (已結業)

太太部電腦隻HD死左，我地一齊去左高登黃金睇下，順便打邊爐，現在啲電腦野真係愈黎愈平，21吋Mon都唔使一千蚊！我地訂左枱6:30，火鍋店係新開張，記得以前呢度係明將，中學時候都成日幫襯。餐廳要行上一層，面積唔算大，好彩有訂位，湯底選了花膠醉雞鍋，先係湯，雞同花膠都是分開的，水滾了再落，雞幾滑，花膠好彈牙！我相信係真。花膠，唔怕魚肚，浸左落鍋既花浸吸收了酒味，更加好味！牛切肥牛一盤有四，五片，長條型，雪花肥肉不是很多，肥牛幾爽有牛味。火鍋我喜歡愛炸響鈴，落鍋只需五秒，多就Over了，響鈴脆，但淋左都不會鬆散，是出色的。這裡有一種特別的火鍋料，白饍片！一般餐廳都不會有，白饍片薄切得很，易熟，熟左的饍片好香饍味，成片已經縮埋一團，骨不多，爽脆！另外order了九肚魚，椒鹽就食得多，打邊爐咁食就未試過，九肚魚好滑，肉質好軟淋淋，骨不算多。魚方面的報告告一段落，說說其他，南瓜流心丸挺特別，一咬啲南瓜蓉出晒黎，是真正的流心丸！灸燒芝心丸又是一上品，黃黃肥肥的芝心丸，熟了以後更肥！內面的芝士初時吃時有點像沙律醬，橙色的，慢慢再吃就感覺到有芝士味，甜甜的。鳳城水餃皮薄但包得好實，唔會口碌碌去下爆晒出