浪漫滿屋 (已結業)

歡迎收睇西九龍中心探索美食之旅, 居港韓國人多數喺尖沙咀居住但喺深水埗竟然有正宗韓國料理店, 該店是由韓國人主理。食物款式少但較為特別, 有韓國壽司, 泡菜煎餅, 辣豬肉飯等。 以上食品都包括熱湯, 泡菜一小盒及酸蘿蔔一小盒。壽司(紫菜包飯)即卷即切, 飯是室温温度, 沒有醋味, 內裏包着火腿條, 紅蘿蔔條, 酸蘿蔔條等等, 一口一件剛剛好。泡菜煎餅薄薄一塊, 煎得香口, 泡菜不辣。韓國人多喜愛用酸蘿蔔絲和煎餅同吃, 真是有另一番的感覺。辣豬肉飯其實只是甜辣, 豬肉炒得嫩滑, 配菜多汁, 撈飯一流, 我覺得不夠辣, 連下三小盒泡菜撈飯吃, 一流！是次消費：$70