隠家拉麵工場 (已結業)

話說上次同朋友食彩 其中一個話深水埗有間好食d既 咁岩呢日黎深水埗唱錢同買電話卡準備去旅行 搞掂晒d野之後就決定去試試佢講既呢間沾麵 呢個鋪頭非常唔起眼 位處蘋果商場既角落 仲要無招牌既 入到鋪頭亦見到鋪頭無咩裝修 牆身仲係裝修用既木板 櫈係用裝可樂樽既箱疊起而成 同一般專做拉麵或沾麵既鋪頭一樣 選擇唔多 有白 黑 紅揀 我就揀左黑蒜油沾麵 麵質係我鐘意個種 比較硬身 有咬口 而且掛汁 湯底方面夠晒濃 好香黑蒜油味 不過唯一既挑剔位係有少少辣味 同個湯唔係好夾