影片
更多
2024-01-20
42 瀏覽
平時行西九好少行到故宮博物館個邊，今次同朋友無意中行到博物館呢頭仲要比我哋發掘到高質中菜館。餐廳取名下江南，有古時乾隆下江南品嚐美食嘅含意。入到餐廳，環境闊落，門口做咗拱門嘅設計，有宮廷風。而枱與枱之間亦都唔會太過窄，整體坐得舒服。餐牌上邊有多項嘅選擇，有選擇困難症嘅我就同朋友揀咗個二人套餐就唔使諗咁多啦。首先就嚟咗桂圓紅棗茶，飲落口好清甜，個味一啲都唔假，明顯係來自桂圓嘅甜味。而飲完一啖之後會有紅棗嘅after taste，個人嚟講幾鍾意。前菜係如意菜配花雕醉雞，如意菜其實係三絲嘅涼拌，有調味唔會太鹹，食落都幾清新。至於花雕醉雞就正常發揮肉質唔會嚡，亦都有淡淡嘅花雕酒味。而主菜方面，我哋就揀咗重慶小面配雲吞同埋火燻鴨子獅子頭燴菜飯。重慶小面尤其出色，面嘅質地彈牙，食落有咬口。加埋一啲肉碎花生同埋酸菜撈埋一齊食，食落好惹味同香口。而辣度亦都適中，唔會話好油，成個配搭好平衡。而配搭嘅雲吞係韭菜加肉，韭菜味好出，食落好滿足。而火燻鴨子獅子頭會燴菜飯就正常發揮，以獅子頭為最出色，有油脂感得來唔會話好肥，調味亦唔會太鹹，好食。甜品方方便便有芋頭糕同埋芝麻糊湯圓。芋頭糕就正常發揮質感有啲似馬拉糕
餐牌上邊有多項嘅選擇，有選擇困難症嘅我就同朋友揀咗個二人套餐就唔使諗咁多啦。
首先就嚟咗桂圓紅棗茶，飲落口好清甜，個味一啲都唔假，明顯係來自桂圓嘅甜味。而飲完一啖之後會有紅棗嘅after taste，個人嚟講幾鍾意。
桂圓紅棗茶
1 瀏覽
0 讚好
0 留言
如意菜配花雕醉雞
0 瀏覽
0 讚好
0 留言
重慶小面配雲吞
0 瀏覽
0 讚好
0 留言
而火燻鴨子獅子頭會燴菜飯就正常發揮，以獅子頭為最出色，有油脂感得來唔會話好肥，調味亦唔會太鹹，好食。
火燻鴨子獅子頭燴菜飯
0 瀏覽
0 讚好
0 留言
甜品方方便便有芋頭糕同埋芝麻糊湯圓。芋頭糕就正常發揮質感有啲似馬拉糕不過係芋頭味。而芝麻糊湯圓嘅芝麻味好濃郁，加埋兩粒有黑芝麻流心嘅湯圓食落真係超級滿足。
整體嚟講，呢間中菜館不單止坐得舒適，食物質素都好唔錯。二人餐真係超級抵食，每一樣菜嘅份量都好大，加埋有甜品做最後點綴，真係好飽！
張貼
