影片
更多
2019-05-18
114 瀏覽
男朋友平時返工係土瓜灣，今日心血來潮去接佢放工，跟住當然要去拍拖仔啦，最浪漫既就係趕尾班船，土瓜灣碼頭既船係去北角，行出碼好近既地方見到一間餐廳，好大間，同男朋友決定入去食左野先。離到勁遠都見到呢間餐廳，比起隔離間惠康仲要大，入面都一樣好大，好多好多位，最勁既係坐滿人，咁多人食，一定冇衰啦。坐位環境各樣裝飾都比較似普通茶餐廳，好得意既係飲水，調味料等等都係出面自助吧，非常方便。睇一睇個餐牌先知，原來西餐廳黎，好多野食多數都係牛扒，羊架，沙津，意粉，Pizza等等，我最愛食牛，男朋友見我接佢放工咁開心，二話不說叫個最貴既牛俾我＂慢煮美國頂級肉眼扒＂我仲好傻仔咁問店員有冇得叫幾成熟？男朋友即刻笑我，佢話慢煮邊有幾多成熟嫁？估唔到店員答我有，哈哈！！最後我叫左三成熟，煮得岩岩好，入面係我最愛既紅色，薯條又粗又大條，仲要小小辣粉係上面，更加＂野＂味，隔離仲有小小既沙津，令到個感覺冇咁油膩，唔知係唔係慢煮唔同Ｄ，呢個牛連肥膏位都係好淋，可以直接食左佢，正到爆。男朋友係咁多西餐野食入面選擇左呢個日式既＂自家牛扒漢堡溫泉蛋日式咖哩飯＂因為男朋友目標想食漢堡，唔好睇佢成間西餐咁，估唔到呢個日式咖哩好好
跟住當然要去拍拖仔啦，最浪漫既就係趕尾班船，土瓜灣碼頭既船係去北角，
行出碼好近既地方見到一間餐廳，好大間，同男朋友決定入去食左野先。
離到勁遠都見到呢間餐廳，比起隔離間惠康仲要大，入面都一樣好大，好多好多位，最勁既係坐滿人，咁多人食，一定冇衰啦。
坐位環境各樣裝飾都比較似普通茶餐廳，好得意既係飲水，調味料等等都係出面自助吧，非常方便。
睇一睇個餐牌先知，原來西餐廳黎，好多野食多數都係牛扒，羊架，沙津，意粉，Pizza等等，我最愛食牛，男朋友見我接佢放工咁開心，二話不說叫個最貴既牛俾我＂慢煮美國頂級肉眼扒＂
我仲好傻仔咁問店員有冇得叫幾成熟？男朋友即刻笑我，佢話慢煮邊有幾多成熟嫁？
估唔到店員答我有，哈哈！！最後我叫左三成熟，煮得岩岩好，入面係我最愛既紅色，
薯條又粗又大條，仲要小小辣粉係上面，更加＂野＂味，隔離仲有小小既沙津，令到個感覺冇咁油膩，
唔知係唔係慢煮唔同Ｄ，呢個牛連肥膏位都係好淋，可以直接食左佢，正到爆。
男朋友係咁多西餐野食入面選擇左呢個日式既＂自家牛扒漢堡溫泉蛋日式咖哩飯＂因為男朋友目標想食漢堡，唔好睇佢成間西餐咁，估唔到呢個日式咖哩好好味，
咖哩非常地道既日本咖哩，漢堡果然係自家製，肉質會比較實，但肉汁比起其他更加濃。
仲叫左個小食＂高興雞中翼配牛油果醬忌廉醬＂，我見好多人叫，好特別既一個味道，本身面已經有醬，酸酸地加小小辣，在點一點牛油果醬同忌廉醬，
又有另一種唔同既味道，食落肉質非常嫩滑，隻隻雞中翼都咁大隻咁多汁。
睇到門口同餐牌都係呢杯圖＂巧克力OREO沙冰＂，睇落又靚，令我吸引左，黎到個時真係大開眼界，真係同圖片一樣，佢係沙冰，但佢做得好好，非常碎，
絕對唔會吸到一粒一粒既冰，巧克力勁勁勁濃，好味指數爆燈！！
其實我男朋友係勁鐘意食Pizza，經過我不停鼓勵之下，終於都叫左呢個Pizza＂辣肉腸煙肉Pizza＂個皮非常非常薄，有種食餅既感覺，辣肉腸唔算太辣加上煙肉有小小咸，非常配。
最後俾錢個時先嚇死人，我地食左咁多野，就黎飽死先$447，今次真係抵食夾大件
張貼
