木船 (已結業)

放咗工同朋友嚟大埔搵嘢食，離到依間食泰國嘢嘅餐廳，木船的的侍應幾nice，會問我地有咩需要，而且見到杯水差唔多飲完會幫我地斟水。裝修幾靚，一邊係仿船，有d木桶椅子；一邊係復古風，而且有d Q版食物壁畫，整體舒適乾淨😘餐牌亦都有好多食物種類選擇，睇到眼花撩亂，例如飲品就已經有好多種，有沙冰、西瓜、椰青等等，食物亦都有好多種類，最搞笑係第一頁有教泰文，等緊食物嘅時候都可以學吓😆食物方面亦很好吃，佢地的泰式辣醬味道很好，令到青木瓜沙律非常開胃，混合一d果仁增加口感。小食拼盤有魚餅，泰式燒賣，炸蝦卷，都是炸物但加上酸甜的醬並不覺油膩，而且非常香脆。佢的招牌菠蘿炒飯配虎蝦，有一串串燒菠蘿作配菜，有炭燒味，而炒飯方面配上肉鬆味道更佳，炒飯內除菠蘿粒亦加咗提子乾，令到炒飯多了水果酸甜的味道，而虎蝦肉相當結實，亦因為佢已經將蝦開半而很易去蝦殼。飲品方面，泰國巧克力巨人超大杯，朱古力沙冰味濃，而且裏面有oreo，KitKat，朱古力醬，充滿朱古力味，建議叫多兩三個朋友一齊分享。