紐約客 (已結業)

見到新開，諗住同朋友去試下，點知中左伏。。岩岩過左6點，無得食all day breakfast,不過算la,見個burger咁靚，所以試下，我地加左25跟餐，問定個侍應是日餐湯係咩，因為我對海鮮敏感，咁佢話係忌廉蘑菇湯，所以我要左，同埋加多一碗俾我個朋友。跟住等左一段時間，我估20分鐘吧先黎湯，我聞到唔似忌廉蘑菇湯o既味道，又橙橙地色，似海鮮（蝦）湯，咁再問侍應，佢都係話忌廉湯，我請佢問一問廚房，再隔多5分鐘吧。。。再答我原來係海鮮湯。。之後見佢同其他叫左/飲緊湯o既人講返海鮮湯。咁都可以出錯。。。唔係掛。。。個芝士漢堡都ok,不過我地講左share,想佢cut開兩邊我地易d食都係無cut,薯角似乎炸耐左，唔好味。仲左個豬仔骨（半份），今次跟闊薯條，都幾好味，可以一試。其實野食還好la,只係服務真係差左d,我地叫兩杯熱水，都叫左幾次，仲要出埋去再問先有，叫茄汁又係叫幾次先有。。上餐時間又等得耐。。其實我地6點幾入座時無乜人ga ja,但野食都係等得耐。。。侍應服務麻麻到不得了，野食又唔係特別好味，等野食時間又耐，又要3催4請先要到杯熱水。。環境又唔係太舒服，感覺似坐o係商場食緊野咁，