Dear Lilly (已結業)

住九龍區嘅人好少過海，今晚同老婆去中環食飯，食飯之前去IFC行吓街，想坐低飲杯嘢，食啲小食，搭lift上到頂樓。呢間餐廳裝修好靚，如果唔係食晚飯，佢話可以坐到6:30pm還枱。侍應全部都係外籍人士，叫咗兩杯飲品同埋松露薯條。連個飲品餐牌都設計過有古典味道。叫咗杯凍咖啡同埋Cranberry juice ，夠凍又大杯。薯條係幼薯條，非常香脆，黑松露薯條啲黑松露多到滿瀉，離遠都聞到，而且份量又多。係咁樣嘅環境下我同老婆坐咗兩個鐘，隨着時間慢慢入夜，餐廳越嚟越靚，很有古典味道。買單唔使$200 ，喺咁靚嘅裝修環境之下享受一個下午，性價比真係高，入夜越來越多去食晚飯嘅情侶。