彤粵菜小館 (已結業)

尖沙咀有間新開無耐既彤粵菜小館，裝修好好，瓦磚牆好有中國氣息，logo都好整得好型，紙巾盒上都刻埋字，好正😆我地首先就試佐唔係好中國風既🥘青咖喱雞配薄餅 $218，青咖喱唔太辣，岩晒啲唔食得辣既朋友，雞肉就好腍好入味，配埋脆脆既薄餅一齊食真係不得了，食唔停口呀！😋之後有被個名吸引而叫佐既漁夫之寶 $168，原來係自家秘製魚蛋😝啲魚蛋爽口彈牙，拎去打乒乓波都仲得，魚味好濃，真材實料呀！我地仲試埋鳳梨咕嚕肉 $168，咕嚕肉好香脆，仲要有肉汁，啲菠蘿又好甜，配埋啲酸酸既汁食真係好開胃，好正呀！