金記冰室 (霎東街) (已結業)

星期日起身已經十點幾，出得門口已經十一點，周圍都冇哂早餐咁濟，好彩最後搵到呢間。入到去唔多客，得三成滿到，我地兩個人坐左一邊卡位。個餐牌好特別，整到成個乒乓波球拍咁。早餐都有好多選擇，我地一人叫左個。雪菜肉絲米：睇得出用料比一般茶記好，肉絲唔會干淨淨，湯底夠味，好大碗下。太陽蛋腸仔多士：多士夠脆，牛油岩岩好唔會搽過多，太陽蛋同腸仔都正正常常。沙爹牛配意粉：沙爹夠哂味，牛肉夠淋，湯底都食到沙爹味。雙蛋多士：一樣好味其實坐係度一邊欣賞佢ge裝橫一邊食早餐都幾正～