為食龍 (已結業)

今日去到中環哩間以腐皮壽司而聞名既餐廳。店舖裝修好花心思，以恐龍為主題，四周既佈置同埋壁畫都好啱打卡。餐牌上面除左不同款式既腐皮壽司之外，有其他食物可以選擇。✨🍣腐皮壽司辣味三文魚 $33炙燒沙律甜蝦 $30蔥吞拿魚拖羅蓉 $34炙燒檸汁帶子 $36柚子左口魚 $33炙燒北寄貝沙律 $29腐皮壽司相當大件，裏面亦有唔少飯，而且幾款腐皮壽司上面都有滿滿既餡料。辣味三文魚醬汁微辣，三文魚鮮甜；炙燒沙律甜蝦充滿火炙香味，甜蝦彈牙；蔥吞拿魚拖羅蓉上層係吞拿魚粒粒，下層係拖羅蓉，口感更豐富；炙燒檸汁帶子新鮮大粒；柚子左口魚入口半融；炙燒北寄貝沙律口感豐富。🧀️特濃芝士雞肉烏冬 $128芝士同忌廉味濃厚，但係又唔會覺得好漏，雞肉經過燒製，入口一啲都唔會鞋。🍹藍海檸檬汽水 $52入口係酸酸甜甜既檸檬味，開胃又解渴。整體黎講，餐廳既環境相當有特色，而且腐皮壽司味道亦唔錯，都值得過黎試下。