京城鴨子 (已結業)

老公今晚接我收工，本來諗住去食酸辣粉，經過麼地道見到呢間京城鴨子試業， $80一個人ABC可以各揀一款，好抵呀，我哋就咁就入咗去啦。老公揀咗擔擔面，小籠包，北北京填鴨每人有兩塊，可以揀京蔥，花生醬，京醬，青瓜絲，哈密瓜絲，第一次聽到夾哈密瓜絲，但係有幾夾喎。我就揀咗炸醬麵，控油抄手，係麻辣味架，啱晒我胃口，我最鍾意食麻辣㗎啦。小籠包皮薄多汁真係要讚啦，唔知過咗試業時間係幾多錢呢？今餐兩個人加埋先係$172 ，仲有桂花糕送，好抵好豐富大滿足呀。