Yaki Biru (已結業)

今次係朋友揀既餐廳，幾有feel, 好似韓國日本個d餐廳咁，可惜香港地真係咩都貴，出面就係車路。但冬天都唔怕，今晩都算幾舒服。因爲得兩個人費時再慢慢揀食咩，所以就叫左個shabushabu套餐。$198我地叫左豚肉&拉麵(其實係由幾時開始我地會叫豬肉做豚肉架呢？)拉麵2個人得1碗其實真係少左d, 好彩我地兩個女仔都唔大食。叫左昆布湯底，好清好好飲！呢個真係要讚！其實有d似放大左既吉野家火鍋，不過用料當然正好多！個豆腐勁滑！d菜都好甜好好食！前菜叫左螺肉，食得出料好正！唔知點講，好fresh, 好好食，唔係爭鮮個種好“潔”既感覺。串燒可以揀4樣，所以叫左豬頸肉，粟米，雞翼同香菇。個菇勁香！粟米得半個，不過都燒得幾正！最鍾意既係個雞翼！好香好正之餘仲好方便食！加左$20叫左個波子汽水，因爲想懷緬下童年。