宿宿醉 (已結業)

依間嘢真係好難揾，兜來兜去十幾分鐘至揾到入囗，樓上鋪。店面細細，只有廿個位度。裝修好靚，好grand, french style 女仔實鍾意!仲有最後的晚餐作璧畫，但換成越南菜，認真搞鬼！菜名亦有度過，宿醉乜乜乜，玩味十足！午餐盛惠$88, 都合理唔算貴，但想轉其他料配搭就要加錢。頭盤有牛油鷄亦同蝦餅，朋友點咗牛河，自己就點咗豬扒碎米飯，另加$5有特飲。頭盤份量多，鷄亦有四隻，蝦餅有八件，味道中規中矩。牛河都唔錯，湯略嫌咸咗D，牛肉ok! 豬扒亦都好多，夠諗，多到食唔哂。器皿困哂金邊，幾elegant! 之後同waiter 傾計，先知原來依間同吱吱朕係同一班人開嘅唔怪之得啦！依間幾抵食吖！