富臨皇宮 (已結業)

富臨皇宮這裏近乎每星期六/日都會來飲下午茶，裝修白色多鏡，睇落乾淨，加上價錢合理，大中小點都係十幾蚊，仲有特價點心紙，過一排就會換下新款。 等位，元朗雖然好多茶樓，不過間間都要等，平均等半個鐘倒。鵝瀨，仲有瀨粉嘅茶樓真係唔多，好味又大碗，鍾意佢湯底夠濃，而且端出來時仲熱，好多茶樓一早整定搞到凍冰冰好難食，呢度抵食。 牛肉球，多茜，娃娃菜底，我鍾意腐皮底多D，有牛味，ok啦。 流沙芝麻包，熱食一流，唔太甜，小心食時弄髒身體。 燒茄子，大大舊，仲有四件，雖然係炸多過煎熟，不過唔算太油，叫佢落多豉油，正！ 蝦餃，必食推介!蝦同筍比例剛好，皮薄又唔爛！正正正！ 新開張個陣侍應沖水好密，而加cut左人手，要等或叫先沖，而且最近落錯單嘅次數多左（雖然無發生過係我到），啲新侍應對枱號唔熟，記住落單要自己寫埋，如果唔系會好易錯，不過服務算ok啦。 一個人大概三十幾蚊，已經好飽。