木船 (已結業)

收早入黎大埔搵女友食晚飯，見天氣咁熱就不其然諗起泰國，咁就搵間泰國野食啦。其實呢間木船都經過幾次，但次次都好多人等位，估唔到今日平日都坐滿晒，不過都唔洗等好耐就入得。叫得做木船，餐廳用上好多木材做裝飾，加埋頭頂既燈泡，裝修到真係成架船既內籠咁，非常有氣氛。野食未黎之前，可以睇陣menu學泰文，讀出黎真係好搞笑 。落左單等一陣食物就到啦。首先係前菜，開胃既青木瓜沙律，大大碗，夠三人份量。青木瓜絲爽脆 ，青檸魚露醬汁酸甜醒胃，仲有提子腰果等等配料提昇口感。第二道上既係小食拼盤，有蔗蝦，絲網春捲，魚餅，炸魚卷各兩件，性價比超高！全部熱辣辣新鮮炸起，春捲香脆，蔗蝦夠彈牙， 點埋個泰式酸辣醬，真係食唔停口！食左沙律同小食其實都飽飽地，所以當個菠蘿炒飯配虎蝦上臺既時候，大大個裝滿飯既菠蘿，大大串燒菠蘿，大大隻既虎蝦，真係擔心食唔晒。炒飯配埋雞肉菠蘿提子乾肉鬆，唔覺唔覺又食左幾碗。虎蝦有兩隻，已開邊好易剝，啖啖肉。建議唔好點d醬，咁先可以食到蝦既鮮味。仲有串燒菠蘿做飯後果，鮮甜多汁。飲品叫左杯“多d乳酪多d多d莓” 同一個椰青。乳酪個杯好有特色， 飲得出好足料，酸酸地幾解滯。椰青就清甜，仲可以刮埋d