峇里餐廳 (已搬遷) 新店位置

印尼，我未去過，不過應該同馬拉o野差唔多，去食評睇，全港最高食評o既印尼菜原來唔係尖咀果間印尼餐廳，而係佐敦o既峇里餐廳...18:30，行到去南京街，俾個門口嚇一嚇，好舊wow~ 入到去... wah! 仲舊... 算啦~ 咩都試下嘛~~入到去，咩都冇睇，跟住食評叫，叫o左蜜糖雞翼、串燒、黃薑飯、薄餅同2杯珍多冰...蜜糖雞翼~ 熱辣辣，蜜糖甜度適中，雞翼好大隻，大隻到好難去進食，雖然雞中翼，但係有少少頭尾，如果可以cut 埋就好喇~串燒，叫o左雞同牛半打，真係好入味，有少少炭燒味，仲有個沙爹醬，我平時食串燒好少落醬，不過佢個醬真係好好味~黃薑飯~ 原來黃薑飯係有咁多配料，個飯唔會硬，好好食，薑味唔太重，配料中，最好食o既係豆腐乾同牛肉，反而有塊肉塊就唔太好味~薄餅，一定要熱食，有d油，都ok o既，個醬都好好食~珍多冰，佢用o左椰糖，不過好甜，鐘意飲泰式多d，佢d o者o厘，太淋，一d都唔彈牙~個環境真係差到爆，我諗佢開張到而家都冇裝修，有好多小飛飛，食完飯，個身仲有少少痕~ 就算幾好食，環境咁，我都唔會再去~~估唔到食完時，竟然有好多人o黎... 其實都多客... 裝修下啦~~~