影片
更多
2019-02-03
119 瀏覽
幫老友補祝牛一，要就佢鍾意食啲咩之餘，又要近佢公司，因為佢收得好夜。一於去居酒屋，好夜都有得食，氣氛又好。先整條【鹽燒花魚】賀賀佢先，寓意佢唔好再咁大使，年年有餘。條魚燒得好香，鹹味直透魚肉內，魚腩部位至為好食。之後就係【燒帶子】。帶子好大隻，燒好之後，帶子殼上仍留有 “帶子鮮湯”，好鮮味，所以俾我飲晒。再來一份精選刺身。裡面有6款共12件，吞拿、油甘、甜蝦、帶子、三文魚和八爪魚。刺身最幾要新鮮，呢12件刺身完全合格。最後整多個【牛肉壽喜鍋】加虎蝦，烚下烚下。份量好大，差啲食唔晒，材料除咗有牛肉和虎蝦，仲有豆腐、金菇、冬菇、日式魚蛋、大蔥、旺菜。滾起嚟真係香噴噴，神仙都企唔穩。掃晒啲食材之後，放埋啲烏冬落去個壽喜燒湯內煮一煮，嗦一嗦啲湯汁就食得，當長壽麵咁食。
先整條【鹽燒花魚】賀賀佢先，寓意佢唔好再咁大使，年年有餘。條魚燒得好香，鹹味直透魚肉內，魚腩部位至為好食。
之後就係【燒帶子】。帶子好大隻，燒好之後，帶子殼上仍留有 “帶子鮮湯”，好鮮味，所以俾我飲晒。
再來一份精選刺身。裡面有6款共12件，吞拿、油甘、甜蝦、帶子、三文魚和八爪魚。刺身最幾要新鮮，呢12件刺身完全合格。
最後整多個【牛肉壽喜鍋】加虎蝦，烚下烚下。份量好大，差啲食唔晒，材料除咗有牛肉和虎蝦，仲有豆腐、金菇、冬菇、日式魚蛋、大蔥、旺菜。滾起嚟真係香噴噴，神仙都企唔穩。
掃晒啲食材之後，放埋啲烏冬落去個壽喜燒湯內煮一煮，嗦一嗦啲湯汁就食得，當長壽麵咁食。
張貼
