海港酒家 (已結業)

每年父親節都會一家人同爸爸補祝，當然係因為平啲同避人潮啦。今年都唔例外，揀咗位於將軍澳新開嘅海港酒家。訂咗夜晚七點，相對以前將軍澳中心位置呢度客人並唔多，可能因為地點離地鐵站遠，比較唔方便。酒樓樓底高，感覺乾淨，我哋一行七人5大人1小朋友1Bb，睇過吓套餐，最後都係自己揀餸菜，都幾大碟，味道唔錯。之後叫咗飯幾款甜品，埋單都係八百幾，當然小朋友唔係點食嘢。坐得舒服，唔太多人，服務唔錯，份量同味道又滿意，都幾抵吖。優惠孖寶A：清蒸大沙巴龍躉(2斤)配脆皮燒鵝皇(半隻)燒鵝唔錯，皮都算脆，肉好嫩，份量夠。魚夠晒大條又新鮮，啱啱熟，又夠滑。濃湯花膠浸菜芯苗，呢個一般，因為屋企人鐘意食菜所以叫，菜苗唔嫩。西蘭花如意帶子，帶子起片，都大塊，份量可以。一品醬燒雞，皮脆肉滑又香，好味。每次出去食飯爸爸都會飲啤酒。甜品：紅豆沙香芒糯米滋相思豆小白兔