裕記大飯店

香港燒鵝曾經風靡一時，到了今時今日，大部分人都選擇北上消費，原因好簡單，就係品質、服務同價錢都較優勝，朋友都話過<裕記>水準不大如前了，試過今次之後，我都真係要同佢講再見喇！

酒釀鵝肝

size同幾年前比較，真係細件咗同薄咗，酒夠香但唔夠入味，口感又腍又滑唔好食。

酥炸生蠔5隻

生蠔好大隻蠔味重又juicy，蜂巢炸漿皮超好味，必食推介。

椒鹽白飯魚

白飯魚大大條好新鮮，炸得夠香脆熱辣辣，就算凍咗都好仍然好食。

小炒皇

小炒皇好足料，有蝦乾、銀魚仔、腰果、魷魚、帶子等等，不過鑊氣唔夠同茨汁杰咗啲。

特大燒鵝半隻

1

比正常燒鵝多$30但大隻好多，炭燒味幾香，但上層肉質較柴，下層就OK，不過同樣唔夠入味，真係失望咗！

四人共消費: $1180