慕茶 (已搬遷) 新店位置

見到啲食評都唔差，近近地星期日就走左去試，寫住營業時間係一點鐘開始，去到已經坐滿人。地方好細一眼望晒，枱與枱之間好迫，環境就一般。我哋坐咗角落頭，侍應姐姐就話茶水自助既，但係隻隻杯都有茶漬😥。我呢啲綠茶精見到餐牌有綠茶，就梗係俾個綠茶卡邦尼大蝦意粉吸引住，而且係佢哋嘅推介。男朋友就叫咗個招牌all day breakfast又係推介。飲品半價，我叫左佢哋所謂推介嘅伯爵茶朱古力，男朋友穩陣飲朱古力咖啡。因為無食早餐好肚餓，都等左幾耐朱古力上咗先有啲失望，賣相好普通。朱古力粉沖嘅完全冇伯爵茶味。綠茶卡邦尼大蝦意粉開頭以為係個意粉綠色，原來係個醬。得壹隻大蝦仲有要條黑色蝦腸未處理既，基本野黎都無做真倒胃口😒意粉就煮過龍，個卡邦尼汁太杰加左蛋黃都無蛋味又唔喊，廚師加左太多綠茶粉直頭係苦味但又無綠茶味，好難食呀！！竟然夠膽收咁貴😠因為肚餓一路捱住食因為餓😖都已經慢慢食，我食完男朋友嗰個都仲未出現。發呆等，自助飲左幾轉水沖沖口，個招牌全日早餐勁多炸嘢但係油肯定唔夠熱，啲嘢全部油膩到爆。例如個好似牛脷酥夾包未炸得透，一路切一路出油。中間夾住嘅肥牛係用水灼熟冇味嘅又鞋😩仲要加埋煉奶好濟。疑似熱狗腸包住