阿牛哥清湯腩.咖哩專門店 (已結業)

呢間野開左冇幾耐, 佢開正係淘大商場既其中一個主要入口, 所以人來人往。筆者有一次平日晚市時間行經上址見有好多人睇佢個meun, 亦見有人排隊等入內食野(可能因為新開好奇)。咁岩又未食晚餐, 而見佢又有乜Q番茄濃湯既招牌菜色都幾吸引, 就排隊等左5分鐘左右就入左去叫野食。即叫一個番茄濃湯既豬潤米線, 又叫個油菜。幾分鐘餐到, 嚇見番茄濃湯竟然係普通烚面既湯, 番茄只不過就切大舊D放在湯中根本就只係湯加番茄, 真正的番茄濃湯係起碼湯底既顏色已經滾到茄紅色湯中有溶溶既茄肉。我十分不滿, 不過只放在心中, 既然叫左黎, 就姑且一試....但味道只是一般到不堪, 全冇茄味, 豬潤的賣相不佳。稍後來的油菜, 一碟得幾條少過魚旦粉檔口, 又唔係平。正路筆者食一個米線都會飽, 但其質與量均不佳, 我另叫一個牛根河(牛清湯都係佢所標榜既招牌)。餐到, , 湯又係烚米線既湯, 牛根是其meun述軟滑之相反。最差係河粉, 佢地用既係粗河。河粉粗身,係用黎炒既, 而薄身先係用黎煮湯, 佢地諗住買一種河粉兩用還是求其待客, 或者係鋪老闆根本不知有所分別。