影片
更多
2012-03-05
597 瀏覽
九龍城間路邊雞一路都幾出名...間唔中都會去食下咁岩見到有團購...點都要幫襯啦但估唔到最後食到一肚氣囉...太失望煲仔菜二人餐包括5 選一煲仔菜花雕醉雞窩/各式魚頭窩/支竹羊腩煲/酸菜胡椒豬什窩/自創雞煲蟹9 選2 原盅燉靚湯木瓜燉雪耳/川芎天麻燉豬腦/西洋菜蜜棗燉鴨腎/花旗參燉竹絲雞/淮杞元肉燉響螺/杞子燉雞腳/金銀菜南北杏燉豬肺/胡椒粒燉豬肚/南北杏海底椰燉豬展生炒糯米飯免加一團購寫明食到二月...一心想食羊腩煲點知開口一問...伙記話羊腩煲冇喎...新年之後已經冇得食啦根本入唔到貨...想入都入唔到呀...講到好大條道理咁不過我心諗可能自己真係太遲先黎...都唔怪得人既好啦...咁見有款自創雞煲蟹...未試過...就叫黎試下想像唔到咁驚訝...黎到得普通煲仔菜個size咁細同餐牌個整法實在不符...係炒薑蔥蟹咁...咸咸地我張相影得太靚...美化晒煲野...隻蟹仲細過女仔拳頭每件得一啖肉...個蟹鉗更加係又細又碎雞就好似一般啫啫雞煲咁...碎雞件見人地d醉雞鍋反而仲好似正常d...都有足半隻雞掛同枱搭枱既食客...見到我地煲野...都同家人講千奇唔好叫算啦...諗住當係自己選錯
咁岩見到有團購...點都要幫襯啦
但估唔到最後食到一肚氣囉...太失望
煲仔菜二人餐
包括5 選一煲仔菜
花雕醉雞窩/各式魚頭窩/支竹羊腩煲/
酸菜胡椒豬什窩/自創雞煲蟹
9 選2 原盅燉靚湯
木瓜燉雪耳/川芎天麻燉豬腦/西洋菜蜜棗燉鴨腎/
花旗參燉竹絲雞/淮杞元肉燉響螺/杞子燉雞腳/
金銀菜南北杏燉豬肺/胡椒粒燉豬肚/南北杏海底椰燉豬展
生炒糯米飯
免加一
團購寫明食到二月...一心想食羊腩煲
點知開口一問...伙記話羊腩煲冇喎...新年之後已經冇得食啦
根本入唔到貨...想入都入唔到呀...講到好大條道理咁
不過我心諗可能自己真係太遲先黎...都唔怪得人既
好啦...咁見有款自創雞煲蟹...未試過...就叫黎試下
想像唔到咁驚訝...黎到得普通煲仔菜個size咁細
同餐牌個整法實在不符...係炒薑蔥蟹咁...咸咸地
我張相影得太靚...美化晒煲野...隻蟹仲細過女仔拳頭
每件得一啖肉...個蟹鉗更加係又細又碎
雞就好似一般啫啫雞煲咁...碎雞件
見人地d醉雞鍋反而仲好似正常d...都有足半隻雞掛
同枱搭枱既食客...見到我地煲野...都同家人講千奇唔好叫
算啦...諗住當係自己選錯...冇野好講
點知竟然聽到有人叫呢個款...入面廚房大叫話嘜隻蟹咁細
仲問係正價定團購先 (e...嘜原來團購隻蟹太細就可以當冇事)
團購寫明原價幾錢...d菜色唔可以唔跟原size
咁樣既做法已經好過份...我都選擇唔出聲照食
燉湯真係手快有手慢冇...都係7點幾喳喎好彩岩岩叫左最後一個花旗參燉竹絲雞
話明有9款俾你揀...到頭來又係得幾款
燉湯又油又唔夠味...一d水準都冇
個花旗參燉竹絲雞都好d...至少都有花旗參味
淮杞元肉燉響螺就真係差...得個薑味...冇可取處
好彩有個生炒糯米飯...終於有番出色少少既野上枱個糯米飯唔太軟唔太硬...都幾好
臘味香濃...飯粒清甜...食番兩碗...先有番d滿足感
點知...最後一刻同我講每人$6茶錢...3個人即係$18嘩...真係接受唔到...團購話明免加一冇寫要俾茶錢
團購就係團購...講明既野要俾...冇寫既唔可以收
俾完$18...忍唔住都係要去了解一下
點知伙記話佢個個都係咁收...係人都要俾嫁啦
入得黎食野就要俾茶$...冇人有出聲話有問題喎
但我唔覺囉...上網睇買左團購既...唔只一個人嘈過呢件事
伙記仲話團購那邊話想收茶錢冇問題...照收啦
完全不能理解既處理手法...冇列明要收茶錢...絕對唔可以收
難道店方話茶錢每人$20...個個都要照俾咩
伙記就開始罵...未見過有我呢d人...未聽過有人為左茶錢講咁耐
其實唔識做團購就不如不做...搞壞名聲又何苦呢
伙記就話佢係唔識做團購呀...唔係佢地想...係團購求佢地做嫁
伙記不肯妥協...我亦覺得不合理
再講落去...伙記係咁叫我搵黃小姐...唔關佢地事
原來黃小姐係團購個邊既負責人喎...有咩叫我自己搵佢
佢隨口讀左個電話號碼...我話抄俾我吧
佢就一手掉了那堆紙來...叫我要抄自己抄
仲一度發爛變臉...話唔知點解要俾我話左佢五分鐘喎
伙記呢一下發爛...令我對呢間店死左心
食客原來係唔駛被尊重既
好似係我求佢俾野我食...真係好似路邊乞丐既感覺
張貼
