殿 大喜屋

營業中

休息中

呢間殿，係我食咗大喜屋系列最多嘢食嘅。尖沙咀店寬敞，樓底好高，環境都幾好！自助區種類都幾多，小朋友最鍾意嘅雪糕機夾餅，大人食嘅雪場蟹卷、海膽手卷，熟食區都有十幾款食物，沙律吧、甜品吧、大大個飲品櫃和雪糕櫃，多到睇唔晒！其他食物掃QRcode下單刺身: 最鍾意大吞拿魚腩和帶子刺身和三文魚，呢幾款切得厚身，入口肥嫩，encore咗好多次😄而且食物上得夠快，幾乎無等候時間！熱食方面，我哋鍾情串燒，今個月Menu新增咗鹽燒大頭蝦，即叫即燒，夠哂熱辣辣，微焦嘅蝦殼燒到香噴噴，入口鹹鹹地，肉質爽彈，回本之作😄另外放題都有燒乳鴿，呢一點好欣賞，入口皮脆肉嫩，好入味，唔使額外再加調味。