海街丼 (北角匯二期)

營業中

休息中

在一個有限的中午時間，要完成一個快速的午餐。就要來到這間位於北角匯的Umimachidon. 幸好早點去到這一間餐廳，不然的話就要去排隊了。店內環境是日式裝修，整個食堂都是用木去做傢俬。店內環境不大，有點擠迫。縱觀整個餐牌，就是魚生壽司做主打。我就選擇了麻醬吞拿魚定食，鮭魚子分開另上。當食物到來時不敢說十成十與圖片符合，但起碼有八九成相似。落左豉油之後，撈勻個飯，啲魚一咬落去即時有鹹香嫩滑既口感。魚肉比較大舊，咬落去有少少食生豬肉口感，只不過有種海鮮腥味。杯茶係普通既玄米茶。生津止渴又開胃。味噌湯好似係間間日式食店既標配咁。呢間都唔例外，照樣係落紫菜，不過呢間既味噌湯有海鮮。而且定食既甜品講唔出係咩，真係好酸。蓮藕唔錯，又脆又甜勁爽口。最唔好既地方係，呢間舖既店員會講出面好多人排隊。好幾次暗示客人快手食完離席。但事實上咁既價錢、咁既份量，食一個鐘我認為唔過份。何況我由入店到食完，一個鐘都冇。如果真係去食，最好搵個非繁忙時段去啦。