Cafe de Paris Est. in Korea (已結業)

Cafe de Paris Est. in Korea 地點位於銅鑼灣登龍街，一帶附近有不少食肆，很適合一些像食完晚餐後的人前來吃甜品。聽講bon bon杯外觀好吸引，特意前來嘗試一下，店以藍白色簡約為主，落地玻璃。店裡有不少可愛的擺設，影相一流呀。我們點了一個Mango Bon Bon芒果杯HKD98，喜歡吃芒果的朋友別錯過！！！面頭插住支法國旗仔，好有感覺，看下去有好多層咁，十分壯觀，且很費心思呢！上層放滿了已去皮的芒果粒，多到好易跌咁，所以＂畢＂每一下都要好小心。芒果大大粒，十分鮮和甜美的，啖啖果肉，正。芒果粒靠忌廉黏著，忌廉口感軟滑，不會太死實，不感油膩。但忌廉份量實在有點兒多，有點食不消。底層是由芒果沙冰和果醬組成，味道酸酸的。幼滑的沙冰口感冰凍，整體口感層次分明。蘋果櫻桃茶HKD38，個人特別欣賞充滿英倫風的杯子和茶壺套裝。淡淡茶味，有助解解忌廉的膩感。橙汁HKD48元，味道完全飲得出係新鮮榨的橙汁，但係同時又冇乜渣，渣隔得唔錯。甜度剛剛好，唯獨係味道比較酸，未必個個接受到（鮮榨是一大原因）裝修做得好好，selfie一流，法國Ｘ韓國風格，相信女仔會特別鍾意！食物都唔錯～