螢壽司 (已結業)

日本野真係食極都唔會厭, 所以今次就試銅鑼灣呢間樓上日式餐廳, 一開電梯就見到一面竹屏風, 好有日本feel。坐底揭揭餐牌發覺真係好多選擇, 由基本魚生到爐端燒都有。食左好多唔同種類既食物, 最想分享既當然係魚生啦!你當然會話日本餐廳食魚生有何特別?但鮮甜厚切而且種類特別既係咪又周圍都有先?厚切三文魚鮮甜好味就不在話下, 但鰹魚同鯷魚魚生我以為會比較韌, 但竟然口感非常鮮嫰而且絕不帶魚腥味。再黎要讚既係佢既辣味三文魚卷, 飯上面淋左少少辣味既特別醬汁, 加上三文魚比例多, 即使我唔鍾意食牛油果都感覺唔到牛油果既味道但同時又享受到唔同既口感。要讚既點只咁少, 佢既味暋湯真係好足料好夠味呀!一打開已經見到滿滿既蜆肉, 鮮嫰唔會老。紫薯麻糬球係一個令我好驚喜既甜品, 熱辣辣外層非常香脆, 但內層又好煙韌鬆軟。好特別地叫左個花湯底好似花膠老火湯既味道, 配烏冬食好特別, 以為咁矜貴D料會好少?錯了, 花膠同翅既份量非常足料, 啖啖都食到足!非常值得encore既日式餐廳!食完佢真係會寵壞自己胃口~以後只能食好西~點算? haha