嘉華冰室小廚 (已結業)

由開張至今。不斷試新野。同時見證好多小節問題。呢間鋪都厲害。令我要開返個帳號留意見。。以下留言純粹個人經驗分享。成檔野嘅感覺係趕頭趕命開檔，推啲野出黎賣轉錢。蛋撻係（益）嘅。麵包雖油但不錯。早餐炒蛋，個蛋係非筆墨能形容嘅怪味。沙嗲牛肉個牛肉，（那）到不能形容。焗朱扒飯， 朱扒8成熟。燒腩仔應該叫燒腩佬。燒鴨嘅肉（霉）。炒貴刁，係咖哩粉炒粗河。金牌乾炒牛河， 都係個牛肉（那）到不能形容。男人嘅浪漫最穩陣。炒野試過拎碟擺到凍咗嘅出黎（可能上手客落錯單彈返入廚房等下注好人家）頭頭啱啱開張。炒烏冬有XO醬版同無XO醬版。好老實佢哋個XO醬我真係唔識欣賞，唔香，得個油字，啲蝦米大條到成條蟲仔咁。 成日以為加餸。家下得返下午茶有得揀炒烏冬（下午茶系列無得用佢嘅落單功能走料）聽過隔離枱人手落單問侍應炒野走呢走路。個侍應答覆係 下午茶無咁多花臣野。啲櫈唔知點解成日都肥，侍應又無為意。可能等啲靚布自然抹乾淨。係廚房推垃圾出門口，地下長期油淋淋。