影片
更多
2014-10-22
5901 瀏覽
有一天在報紙上看到鍾菜的８人餐廣告，再上其網站細看，發現了另一個一人餐$238/位，滿4位就$198/位, 仲要包茶介，免加10%。由於此店比較隔攝，由九龍灣地鐵站行過去都要10几分鐘架。我地有訂枱 7 PM，一行八位美女(其實是中女) 為表妹慶生喇！店內裝修比一般酒樓優雅，更採用開放式廚房，透明度超高，證明佢地對自己既衛生情況好有信心。我地被安排坐在廚房外面，我地擔心地問＂咁咪好大油氣囉＂，服務員滿有自信且禮貌回答＂我地呢度唔會有油氣架，放心啦！＂ 好啦！我地就信你啦！ 果然食完成餐飯都唔覺自己個身有油氣味，好野！黎看看我地的一人菜單先: 香酥芙蓉卷併醋撈雲耳黑蒜烏雞功夫湯蠔皇鮑魚扣花菇廚師醬焗波士頓龍蝦雞汁原個西紅杮生炒蟹肉糯米飯杏汁燉宫燕紅酒或果汁 (仲有有羅漢果茶揀)先黎黑蒜烏雞功夫湯暖一暖胃，賣相相當有心意，原個紫砂茶壺咁燉，細心的服務員遞來了一小塊布，叫我地用布包住茶壺耳仔才倒湯，以免燙傷，果真細心，唯可惜茶壺的壺口做得不好，每次倒湯都會漏出不少精華在碟上。茶壺內有烏雞，瘦肉，雞腳等等，最重要是有１小顆黑蒜，黑蒜可以話係呢個湯既靈魂所在，本來味道平和的燉湯，被黑蒜帶起其他食
由於此店比較隔攝，由九龍灣地鐵站行過去都要10几分鐘架。我地有訂枱 7 PM，一行八位美女(其實是中女) 為表妹慶生喇！
店內裝修比一般酒樓優雅，更採用開放式廚房，透明度超高，證明佢地對自己既衛生情況好有信心。我地被安排坐在廚房外面，我地擔心地問＂咁咪好大油氣囉＂，服務員滿有自信且禮貌回答＂我地呢度唔會有油氣架，放心啦！＂ 好啦！我地就信你啦！ 果然食完成餐飯都唔覺自己個身有油氣味，好野！
黎看看我地的一人菜單先: 香酥芙蓉卷併醋撈雲耳
黑蒜烏雞功夫湯
蠔皇鮑魚扣花菇
廚師醬焗波士頓龍蝦
雞汁原個西紅杮
生炒蟹肉糯米飯
杏汁燉宫燕
紅酒或果汁 (仲有有羅漢果茶揀)
先黎黑蒜烏雞功夫湯暖一暖胃，賣相相當有心意，原個紫砂茶壺咁燉，細心的服務員遞來了一小塊布，叫我地用布包住茶壺耳仔才倒湯，以免燙傷，果真細心，唯可惜茶壺的壺口做得不好，每次倒湯都會漏出不少精華在碟上。
茶壺內有烏雞，瘦肉，雞腳等等，最重要是有１小顆黑蒜，黑蒜可以話係呢個湯既靈魂所在，本來味道平和的燉湯，被黑蒜帶起其他食材強烈的味道。久聞黑蒜也是貴價食材，很多主婦亦開始流行自家製黑蒜，但沒有想過一小顆黑蒜竟有如此威力，當然，最後我們把那顆少少的黑蒜也吃掉，一點也不浪費，相當回味！
香酥芙蓉卷併醋撈雲耳，酥炸了的腐皮外脆內軟，配上黑松露醬，絶不油膩，再加上黑醋撈雲耳，成為很好的開胃前菜。
我最喜愛的鮑魚來了，蠔皇鮑魚扣花菇。但不要誤會有2隻鮑魚，跟餐只有1隻，照片的是我朋友當天胃痛才送細我吃的。味道普通，可以話係無乜味道。不過我覺得這碟的主角反而是花菇，花菇肥大肉厚，菇味濃郁，配上蠔油汁，好食過鮑魚。
之後係廚師醬焗波士頓龍蝦，每份半隻，SIZE 也算大，雖說是焗龍蝦，但眼見應該是廚房走了油，再淋上了辣味的醬汁，應該沒有焗過吧！ 龍蝦質地亦算彈牙有鮮味，醬汁帶小辣，非常惹味。
雞汁原個西紅杮，本來對這道菜有點寄望，因為以為會是冷盤，類似話梅冰鎮蕃茄之類。但原來是熱薰，蕃茄沒有什麼味道，也沒有吃到雞汁的味道，這道菜是整個１人餐敗北之處。
去到生炒蟹肉糯米飯既時候已經飽近８成，好彩份量很少，，不見油份，味道清香。
甜品杏汁燉官燕，杏汁同官燕分開上，就係要比你睇下佢有几足料，亦唔會因overcook 而影響官燕的味道興功效，果然細心。這個杏汁的味道我很喜歡，不會太甜，杏仁味道濃郁，在這個秋風起的季節吃上一碗靚甜水，有感無比幸福。
題外話/補充資料：
服務員多為40-50歲的女士，笑容滿面，禮貌待人，服務專業，很讚！
(以上食評乃用戶個人意見 , 並不代表OpenRice之觀點。)
張貼
