表叔火鍋

營業中

休息中

黎打邊爐先叫左個胡椒豬肚雞鍋,見到好多胡椒,好重胡椒味,中意胡椒既朋友應該好中意呢個湯底呀!我地叫左個響鈴,好明顯係即炸架。可以即食,好脆,亦都可以放進湯到,等一兩秒就可以食啦!叫左D手切肥牛,放入口又係好明顯特別好味,可能係切法,可能肉質上乘,好唔錯。我地仲叫左個什菜拼盤,有白菜仔,生菜等,唔錯唔錯。仲叫左一碟手包既餃子,有兩款味道。我地仲叫左一碟脆鯇魚,份量都幾多。同時我地叫左一JAR蔗汁,係佢地自家製的,好重蔗汁味,我朋友好中意,但我都係中意飲住可樂打邊爐多D。呢度有幾部電視,我同朋友一路打邊爐一路睇電視,好享受呀!呢一餐食左好多肉,最特別都係個豬肚湯底,平時唔覺其他餐廳有。下次可以叫多D朋友一齊食。