影片
更多
2012-04-18
26 瀏覽
記得上一次入長洲時, 係幾個月專登為咗想食天然嘅雪凍而搭船入長洲嚟, 可惜卻吃了閉門羹相隔幾個月, 再一次入長洲玩, 今次終於一嘗久違了嘅甜品!!!! 星期六下午茶時間, 人漸多, 但還未要等位~~~論位置佢基本上係長洲有名嘅甜品店當中, 最易找到的一間, 因為佢喺沿住海滂嘅大街, 而且除咗有店內鋪, 店外亦有露天位, 就算一行十人等位都唔會等好耐!!論價錢傳統中式糖水, $10以下都有交易, 試問去邊度搵??? 芒果糯米磁只售 $5/件 , 同區另一間卻售 $8/件 哩!!!!論味道芒果糯米磁 ----因女友較喜愛另一店的出品, 故原先對此店的芒果糯米磁不抱太大期望, 亦因此無拍照~~~糯米皮感覺有點厚, 如果可以再薄啲就 perfect!! 內裡有一大舊的芒果肉+芒果汁, 芒果亦唔會酸, 好味~~(後來甚至發現天然的出品比另一店更出色!!)雪凍椰汁西米露 ---- 雖然唔係叫芒果西米露, 但唔知點解個西米露有微量嘅芒果絲同埋芒果肉, 如果不好芒果嘅人就要注意喇!!! (雪凍其實係一粒迷你雪米糍+樂家杏仁糖嘅混合體~~糯米皮包住雲尼拿雪糕, 表層佈滿朱古力、芝麻及花生碎!!!)芒果
相隔幾個月, 再一次入長洲玩, 今次終於一嘗久違了嘅甜品!!!! 星期六下午茶時間, 人漸多, 但還未要等位~~~論位置
佢基本上係長洲有名嘅甜品店當中, 最易找到的一間, 因為佢喺沿住海滂嘅大街, 而且除咗有店內鋪, 店外亦有露天位, 就算一行十人等位都唔會等好耐!!
論價錢
傳統中式糖水, $10以下都有交易, 試問去邊度搵??? 芒果糯米磁只售 $5/件 , 同區另一間卻售 $8/件 哩!!!!
論味道
芒果糯米磁 ----因女友較喜愛另一店的出品, 故原先對此店的芒果糯米磁不抱太大期望, 亦因此無拍照~~~糯米皮感覺有點厚, 如果可以再薄啲就 perfect!! 內裡有一大舊的芒果肉+芒果汁, 芒果亦唔會酸, 好味~~(後來甚至發現天然的出品比另一店更出色!!)
雪凍椰汁西米露 ---- 雖然唔係叫芒果西米露, 但唔知點解個西米露有微量嘅芒果絲同埋芒果肉, 如果不好芒果嘅人就要注意喇!!! (雪凍其實係一粒迷你雪米糍+樂家杏仁糖嘅混合體~~糯米皮包住雲尼拿雪糕, 表層佈滿朱古力、芝麻及花生碎!!!)
芒果雪凍湯圓凍奶 ---- 湯圓又係天然自家出品, 未食過的話, 第一次見會以為係球狀冰粒, 但實情係粒似硬身 jelly 中間釀有一粒芒果肉的物體, 配上滑溜有奶香的凍奶, 感覺相當滿足!!!
如果...............雪凍入面可以揀雪糕味就好喇!!!!
題外話/補充資料：
鋪內的凍糖水一般都係未加糖漿的, 食客可隨意添加~~
另外, 不可不提小店裝有八達通機, 抵讚!!!
(以上食評乃用戶個人意見 , 並不代表OpenRice之觀點。)
張貼
