影片
更多
2021-06-27
87 瀏覽
📍 Gaijin每個禮拜都同閨蜜食餐lunch，今次就去到銅鑼灣既Gaijin食business lunch，menu上選擇都好多，價錢都幾吸引。大家不妨一試。➖➖📌 Bread有兩款唔同餐包，分別係牛角包同芝士忌廉包，加埋伴碟嘅牛油，上碟嘅時候重係微熱，呢個位值得加分。➖➖📌 Starter 鴨胸沙律配油醋汁鴨胸啖啖肉好香口，再配哩爽脆嘅沙律菜同埋油醋汁，味道唔錯。 ➖➖📌 和牛他他 +$68 和牛再加上蕃茄，調味好惹味，再配埋脆卜卜嘅蒜蓉包餅乾 ，真係好夾。➖➖📌 牛油果野菌忌廉酥皮盒 Starter黎，粒粒牛油果同野菌再加埋濃厚嘅忌廉，入口落鬆脆得嚟又好creamy。 ➖➖📌 Main 油封鴨脾 $268終於介紹到main dish啦! 今次嘅廚師精選係油封鴨脾配rosemary sauce。鴨肉煮得好淋好入味，而且油脂分布得好好唔會太油膩，旁邊重有迷你焗薯、煙肉粒同菠菜，口感好豐富。➖➖📌 Main Hanger Steak 6'oz $228嗌左五成熟，切開和牛肉質粉嫰，肉味香濃富油香，食落夠juicy，炭香味幾重。➖➖ 📌 熱情果柚子慕絲蛋糕配雲喱拿雪葩 有別
每個禮拜都同閨蜜食餐lunch，今次就去到銅鑼灣既Gaijin食business lunch，menu上選擇都好多，價錢都幾吸引。大家不妨一試。
➖➖
📌 Bread
有兩款唔同餐包，分別係牛角包同芝士忌廉包，加埋伴碟嘅牛油，上碟嘅時候重係微熱，呢個位值得加分。
➖➖
📌 Starter 鴨胸沙律配油醋汁
鴨胸啖啖肉好香口，再配哩爽脆嘅沙律菜同埋油醋汁，味道唔錯。
➖➖
📌 和牛他他 +$68
和牛再加上蕃茄，調味好惹味，再配埋脆卜卜嘅蒜蓉包餅乾 ，真係好夾。
➖➖
📌 牛油果野菌忌廉酥皮盒
Starter黎，粒粒牛油果同野菌再加埋濃厚嘅忌廉，入口落鬆脆得嚟又好creamy。
➖➖
📌 Main 油封鴨脾 $268
終於介紹到main dish啦! 今次嘅廚師精選係油封鴨脾配rosemary sauce。鴨肉煮得好淋好入味，而且油脂分布得好好唔會太油膩，旁邊重有迷你焗薯、煙肉粒同菠菜，口感好豐富。
➖➖
📌 Main Hanger Steak 6'oz $228
嗌左五成熟，切開和牛肉質粉嫰，肉味香濃富油香，食落夠juicy，炭香味幾重。
➖➖
📌 熱情果柚子慕絲蛋糕配雲喱拿雪葩
有別於一般嘅慕絲蛋糕，呢度嘅蛋糕外層用咗又薄又脆嘅黑朱古力包住，再加埋中間熱情果柚子嘅夾層 ，一咬落去就可以食到啖啖嘅果香味，甜度啱啱好。
➖➖
地址：銅鑼灣登龍街28號永光中心9樓
➖➖
人均消費：$300 (subject to service charge)
好食指數：4/5
抵食指數：4/5
張貼
