798 Unit & Co (已結業)

４月１２日晚上９時多到達餐廳吃一客甜品，點知目睹兩件令我嘔心的事．．．突然砰一聲，原來待應在他們近門口的工作長檯上打爛了一枝蒸餾水，遍地玻璃，經理和待應們立刻掃走破璃之後，竟然拿出一叠厚厚的紙餐巾出來，舖落地下，然後男待應用他對腳當地拖咁踩住ｄ餐巾抹地，再用腳踩果大堆又濕又核突的餐巾埋一邊，全地都係餐巾，又污穢，又核突，簡直影響食慾，佢地仲繼續用餐巾抹檯，抹櫃桶，極之唔環保，整個過程中經理（穿藍恤衫+紅煲太果個）抹埋一份，完全唔覺得咁樣處理極有問題．跟住我梗係匆匆埋單走人啦，等緊之際，我望到open kitchen近門口位置一位阿姐係度"筆"雪榚，居然球球雪榚都經過佢隻無帶手套的左手掂過，她用右手拿著匙羮"筆"，左手就撥ｄ雪榚落個羮度，然後再用左手'哄'住個雪榚，做成球型先上碟，嘩真係球球都係咁，經理（剛才講果個）咁岩企在門口，我叫佢一齊睇下，同佢講咁好唔衛生，佢淨係回應"係．．係",無咩反應，一d都唔responsive,我最後同佢講，如果用open kitchen就避忌下，唔好俾呢ｄ咁既野客人睇啦！在呢位咁英明的經理的領導下，呢間咁"高級"的餐廳，真係攪到連茶餐廳都不如！！